O CESGA presente no Foro de Sistemas de Videoconferencia Avanzada
A rede de salas Access Grid TORGA.net estará presente no Foro temático de Sistemas de Videoconferencia Avanzada, que a rede académica e de investigación estatal RedIRIS organizará en Vigo os vindeiros 23 e 24 de febreiro, en colaboración coa Universidade de Vigo.
María José Rodríguez Malmierca, coordinadora da área de E-learning, realizará un relatorio sobre "ferramentas colaborativas síncronas", mostrando a perspectiva da súa utilidade para grupos distribuídos de investigadores e para experiencias de formación e-learning: as súas funcionalidades principais, aplicacións e características frente ás ferramentas asíncronas.
A técnico de comunicacións, Natalia Costas Lago, xunto con Vicente Goyanes, coordinador da área multimedia da Universidade de Vigo realizarán un relatorio sobre a tecnoloxía AccessGrid e a experiencia de uso en diversos contornos docentes e de investigación. Para tal fin, e como aspecto novidoso, farase uso da sala Access Grid móbil, deseñada por técnicos do CESGA.
cesga.es
:: Telf.: +34 981 569810 - Fax: 981 594616 ::
Avda. de Vigo s/n 15705, Santiago de Compostela.