Convidamos a participar neste congreso: a investigadores e docentes de ciencias sociais e humanas para que presenten as súas recentes investigacións e reflexións; a investigadores e docentes das ciencias tecnolóxicas para que dean a coñecer as súas innovacións e reflexións; á Administración e á Empresa para que dean conta das súas experiencias; á sociedade civil (cidadanía) para que presenten as súas impresións, comentarios e experiencias acerca da interacción coas TICs e a Sociedade do Coñecemento.

Este congreso, que se concibe como un espazo independente de reflexión colectiva, é probable que se complemente coa realización de seminarios presenciais en diversos lugares do mundo.