• Richard Duro Fernández
• Ignacio López Cabido

A finalidade deste proxecto atópase no ámbito da investigación de técnicas de comportamento autónomo para sistemas multiaxente. Búscase a creación dun mecanismo cognitivo para os axentes individuais que os dote de comportamentos autónomos e un entorno intelixente de integración de ditos comportamentos de xeito que poidan ser aplicados a problemas no mundo real que requiran dunha constante adaptación a circunstancias cambiantes.
Dada a finalidade fundamental de desenvolver un sistema aplicable a problemas do mundo real, o obxectivo de aplicación básico deste proxecto consiste no desenvolvemento dun sistema intelixente que adapte dinámicamente o planificador dun xestor de traballos nun centro de computación de alto rendemento. Buscarase que a arquitectura obtida poida ser extensible á utilización de recursos doutros centros xeográficamente dispersos. O planificador ten como obxectivo maximizar a satisfacción do organismo xestor do centro de computación, que á súa vez depende da satisfacción dos usuarios e dunha serie de políticas que rixen o funcionamento do centro, baseadas na optimización na utilización dos recursos (tanto internos como contratados externamente). Para a adaptación dinámica de dito planificador recurrirase ao estudo e implementación de diferentes estratexias baseadas en arquitecturas multiaxente, onde cada axente conlevará capacidades de aprendizaxe e evolución. Deste xeito preténdese que o axente, segundo avanza o proceso de interacción, poida modelar de xeito autónomo o comportamento do usuario ou recurso que se lle asigna e o grao de satisfacción previsto para dito usuario/recurso ante diferentes posibles estratexias de actuación do planificador. O sistema intelixente de control do planificador de tarefas utilizará esta información para, por medio dun sistema evolucionista de optimización, xerar a estratexia óptima en cada momento
.
Este obxectivo principal componse á súa vez dunha serie de obxectivos parciais:

• Establecemento dun sistema de medidas directas e inducidas de satisfacción dos usuarios e da satisfacción do propio centro de computación.
• Desenvolvemento dunha arquitectura baseada en axentes intelixentes que modelen a utilización dos recursos do centro de computación por parte dos usuarios. 
•  Desenvolvemento dunha arquitectura baseada en axentes intelixentes que modelen os propios recursos que posúe o centro de computación, incluídos nestes os recursos proporcionados por centros alleos ao que nos ocupa e que mediante convenios ou por medio de contratos proporcionen servizos específicos. 
•  Extensión do Mecanismo Mental Darwinista para Axentes Autónomos (MDB), de xeito que permita aos axentes operar en arquitecturas de servizos, mellorando a eficiencia e facilidade de xestión deste tipo de sistemas tan complexos. 
• Desenvolvemento dunha serie de interfaces entre os compoñentes do sistema, de xeito que a implementación de cada un destes compoñentes se poida realizar de xeito illado. 
•  Aplicación de técnicas de cómputo intelixentes a un planificador comercial. 
•  Cooperación eficiente entre n clúster e no CESGA. 
•  Incrementar o grao de satisfacción do CESGA, por medio do incremento do grao de satisfacción dos usuarios e o grao de optimización na utilización dos recursos computacionao planificador intelixente e a arquitectura de axentes desenvolvida. 
•  Implantación do sistema nuis.