Deseño e primeira aplicación dunha conta satélite do comercio electrónico en Galicia. En colaboración con DATECO CONSULTORES S.L.

O proxecto Conta Satélite ten coma obxectivo central facilitar a creación dun sistema global de información sobre o comercio electrónico de Galicia que atenda ás crecentes necesidades dos distintos axentes económicos e sociais de forma sistemática . Para isto partiuse do concepto de Conta Satélite definido no Sistema de Contas Nacionais das Nacións Unidas de 1993 tratando de adaptar os seus principios á situación real do sistema estatístico de Galicia. A idea de Conta Satélite é relativamente nova e a súa aplicación concreta ao comercio electrónico non se abordou ata hoxe por parte de ningún organismo. Determinados organismos internacionais (OCDE, EUROSTAT) constituíron grupos de traballo co obxecto de desenvolver un sistema relativo á Sociedade da Información. Sen embargo non existe ata o momento ningunha aproximación sistemática desde o punto de vista rexional.

Este proxecto trata de responder aos principios e ás esixencias establecidas na Lei de Estatística de Galicia e ao Plan Galego de Estatística actualmente en vigor (2002-2006) de forma que os seus resultados poidan integrarse no sistema. Tales principios son: coherencia, fiabilidade, actualidade, eficiencia, minimización das molestias ás unidades informantes e garantía do secreto estatístico. Por último tratouse de que o marco a desenvolver se adapte ás necesidades reais dos distintos axentes económicos e sociais.