• Emilio Otero Mera

Realizouse unha aplicación no Desktop GIS ArcView na que se introduciron os puntos contaminados coa súa base de datos alfanumérica e de cada imaxe asociada, podendo consulta-la información a través de consultas tipo ademais da consulta espacial.



O obxecto do estudio foi facer un inventario de puntos contaminados de Galicia e crear unha aplicación GIS de tal maneira que se puidesen consulta-las súas características de forma rápida dende unha aplicación a medida.

Os puntos introducíronse a través da súa coordenada X e Y, xeorreferenciándose automaticamente nunha capa de información de fondo que comprende a información básica cartográfica de toda Galicia. Tamén se introduciu a través do escaneo e vectorización o mapa de Vulnerabilidade de Galicia.

A continuación realizouse unha aplicación na que se pode consultar toda a información da base de datos (máis de 200 campos) a través de menús específicos; algunhas das consultas que se poden realizar son as seguintes:

• Vulnerabilidade do medio
• Contaminantes potenciais
• Tipo de actividade
• Busca por provincia ou concello
• Tipo de propiedade
• Período de actividade contaminante
• Uso do solo
• Medidas de control ambiental
• Consultas de análise (distancia a núcleo urbano, a conca próxima, etc.)
• Receptores de risco

Así mesmo asociouse a cada localización cadansúa foto de forma que se pode picar nel e visualizala.