Medir a subxectividade dos consumidores dun produto cosmético, aumentar a produtividade na descarga de graneles nos portos ou predicir o comportamento mecánico dun tecido biolóxico para válvulas cardíacas, son problemas matemáticos. Como en edicións anteriores, os especialistas do Proxecto i-MATH buscarán solucións á medida para as empresas participantes nas III Xornadas de Consulta Matemática para Empresas e Institucións i-MATH 2008-2011, que se celebran os días 8, 9 e 10 de novembro na Facultade de Matemáticas de Santiago de Compostela.