CESGA convoca a primeira CESGA Computational Science Summer School que se celebrará do 15 de xuño ao 30 de setembro de 2009. Esta primeira Summer School está dirixida a xoves licenciados, inxeñeiros e investigadores que desexen formarse en técnicas de computación e novas ferramentas de cálculo científico. Ademais, a Summer School pretende mostrar os usos actuais da ciencia computacional en diversas aplicacións como Matemáticas, Biomedicina, Nanotecnoloxía, etc.
Durante a Summer School impartiranse os seguintes cursos de formación en programación, optimización e depurado de aplicacións científicas, tanto secuenciais coma paralelas:
Programación en Fortran (16/06-19/06, 09:00 a 14:00 horas)
Programación en C (22/06-26/06, 10:00 a 14:00 horas)
Matemática Computacional: Compilación, execución e optimización de programas (29/06-03/07, 10:00 a 14:00 horas)
Introducción a algoritmos de resolución de aplicacións científicas (06/07-10/07, 10:00 a 14:00 horas)
Introducción á programación en MPI (20/07-24/07, 10:00 a 14:00 horas)
Programación paralela utilizando directivas OpenMP (27/07-31/07, 10:00 a 14:00 horas)
Ferramentas de desenvolvemento de aplicacións paralelas: Debugging e análise do rendemento (07/09-11/09, 10:00 a 14:00 horas)
Adicionalmente aos cursos de formación, celebraranse catro seminarios de presentación da necesidade da ciencia computacional en diversas áreas científicas, impartidos por investigadores especialistas de prestixio internacional.
Toda a información sobre a Summer School pode atoparse neste enlace.
Inscrición:
Para levar a cabo a inscrición debe cumplimentar este formulario.
Estancias de investigación:
CESGA convoca catro estancias de investigación para xoves investigadores no CESGA durante a celebración da Summer School. O obxectivo destas estancias será o desenvolvemente ou mellora dunha aplicación científica utilizando as ferramentas e os coñecementos adquiridos na etapa de formación da Summer School.
Recén titulados que desexen realizar un proxecto de investigación ou colaborar nun xa existente dentro da Rede G-HPC.
Os beneficiarios das estancias seguirán os cursos de formación que se celebrarán na Summer School e realizarán actividades de investigación coa colaboración de personal técnico do CESGA.
cesga.es
:: Telf.: +34 981 569810 - Fax: 981 594616 ::
Avda. de Vigo s/n 15705, Santiago de Compostela.