Os problemas de cálculo computacional que se adoitan encontrar nas aplicacións científicas e de enxeñería acostuman presentar unhas dimensións moi elevadas. Resolver estes problemas utilizando ordenadores convencionais pode consumir demasiado tempo de proceso e demandar demasiada cantidade de almacenamento. En moitos casos, os procesadores paralelos de memoria distribuída (DM-MIMD: MIMD son as iniciais de multiple instruction, multiple data) poden proporcionar tanto a potencia de cálculo como a cantidade de memoria necesaria para resolver este tipo de problemas.