Debido aos problemas eléctricos ocasionados polo temporal acaecido na pasada noite, algúns dos servizos do CESGA non están a funcionar correctamente.
O persoal técnico do Centro está a traballar, actualmente, na solución destas eivas, que esperan poder ser resoltas no menor espazo de tempo posible. Ata que estes servizos non volten  funcionar ao 100% do seu rendemento, rogamos desculpen as molestias que poidan chegar a ocasionar.