• Tomás Fernández Pena, José Carlos Cabaleiro Domínguez, Vicente Blanco Pérez, Dora Blanco Heras, Juan José Pombo García, Patricia González Gómez, Marcos Boullón Magán.Depto. de Electrónica y Computación. Facultad de Física. USC.

Desenvolverase unha ferramenta que estime os custos na execución sobre sistemas paralelos de memoria distribuída, e en particular do AP300, de códigos para a resolución de grandes sistemas lineais dispersos por métodos iterativos. Para iso, deseñarase unha librería de funcións matemáticas necesarias na computación dos diferentes métodos iterativos considerados. Desenvolveranse tres versións desta librería: unha versión secuencial, unha baseada no paradigma de paralelismo de datos escrita en HPF, e outra baseada no paradigma de pase de mensaxes utilizando a librería MPI. Estimarase o custo de cada unha das funcións desta librería, tanto en termos de execución coma da calidade de memoria utilizada. Para estas estimacións será preciso establecer de maneira o máis precisa posible os custos de acceso a memoria, das computacións e das comunicacións utilizando modelos matemáticos diversos. O traballo finalizará co desenvolvemento dunha interface que abranga os resultados e ofreza de maneira amigable ó usuario a información sobre cál é, a priori, o mellor método para resolver cada sistema particular.

Técnicas e Aplicacións Empregadas:

Programación mediante os paradigmas de pase de mensaxes e paralelismo de datos utilizando a librería MPI e o compilador HPF sobre o sistema multiprocesador AP3000. Traballouse sobre códigos irregulares na resolución de sistemas lineais dispersos en paralelo.

Tempo de Supercomputación Usado:

AP3000: 40 horas semanais

Tempo de Supercomputación necesario ata o remate do proxecto:

AP3000: 40 horas semanais.