O Máster en Computación de Altas Prestacións, HPC, poñerase en marcha no curso 2010-2011. Organizado e impartido pola Universidade da Coruña (UDC), a Universidade de Santiago de Compostela (USC) e o Centro de Supercomputación de Galicia (CESGA), e patrocinado por Bull e Hewlett Packard (HP), vén a satisfacer a gran demanda de profesionais especializados nesta disciplina e as súas múltiples aplicacións, que teñen as universidades, centros de investigación e o sector privado.