O proxecto e-Hospital foi seleccionado pola Comisión Europea como un dos tres proxectos Grundtvig máis destacados en toda Europa, en recoñecemento pola súa contribución á innovación e creatividade na proposta. O Centro de Supercomputación de Galicia (CESGA) e o Grupo de Investigación en Tecnoloxía Educativa da Universidade de Santiago de Compostela (USC), coa colaboración do Complexo Hospitalario Universitario da Coruña, participaron neste proxecto en España, sendo o seu principal obxectivo crear e avaliar a viabilidade da formación continua mediante e-learning a pacientes adultos hospitalizados de longa duración.