Ole-Johan Dahl e Kristen Nygaard, do Norwegian Computing Centre de Oslo, finalizaron o desenvolvemento dunha versión de propósito xeral da linguaxe SIMULA onde se introduce o concepto de clase e obxecto que se usa ampliamente na programación moderna.

Jack Kilby, Jerry Merryman e James Van Tassel, de Texas Instruments, inventaron a primeira calculadora de man. Era unha aplicación máis dos circuitos integrados. Funcionaba cunha batería, tiña o tamaño dunha man, era lixeira (1.275 g.), aceptaba de entrada números de 6 díxitos, realizaba catro funcións aritmética (suma, resta, multiplicación e división) e imprimía o resultado nunha impresora térmica de 12 díxitos.

En Galicia:
Bull Instala tabuladores en FRIGSA.

A Federal Information Processing Standard, dos Estados Unidos, animou a que se usara o formato da data de seis díxitos (YYMMDD, ano-mes-día) para o intercambio de información. Isto produciría trinta anos despois o chamado "efecto 2000" nos ordenadores.

En Galicia:
Bull instala os seus primeiros ordenadores en Galicia: dous equipos GE415 (en Banco Pastor) dotados cada un deles con:
-48 KB de memoria de ferrita
-8 unidades de cinta (non tiña discos, estas máquinas serían actualizadas en 1972 coa instalación de discos de 4 MB cada un)

Publicouse o standard RS-232-C que permitía comunicar os terminais remotos cos ordenadores a través de módem. En Europa a CCITT (Comite Consultatif Internatinale de Telegraphie et Telephonie) desenvolveu un standard similar denominado V.24. Era máis rápido que o sistema de comunicación paralela pero tiña serias limitacións: baixo ancho de banda (20.000 bits por segundo) e permitía unha conexión curta entre os equipos (soamente 16 metros). Sen embargo, incluíuse rapidamente nos ordenadores para conectar as CPUs cos dispositivos de saída (impresoras, monitores, etc.).

Empezou a funcionar Arpanet -o predecesor de Internet- con só catro nodos que enlazaban catro centros de investigación en Estados Unidos: UCLA, Santa Barbara, SRI e a Universidade de Utah.

En Galicia:
A USC instalou o primeiro ordenador IBM 1130 para a Xestión e o Cálculo Científico financiado pola Fundación Barrié de la Maza.

http://www.cs.ncl.ac.uk/old/events/anniversaries
/40th/images/unclassified2/24.jpg
IBM 1130

Bell Laboraties deixou o proxecto de MULTICS e empezou a desenvolver o novo sistema UNIX, un dos mellores e máis utilizados de tódolos sistemas operativos existentes na actualidade. Este Sistema Operativo está instalado en tódolos superordenadores do CESGA (diversas versións actualizadas). Unix desenvólveno Dennis Ritchie e Kenneth Thomson.

E.F.Codd propón o modelo relacional que se implementa actualmente en tódalas bases de datos comerciais debido á súa coherencia e facilidade de manexo.


En Galicia:
Os Concellos de A Coruña, Lugo e Vigo instalaron os primeiros ordendores de NCR con memoria de ferritas e cinta perforada.

IBM introduciu o "floppy Disk" ou disco flexible. Consiste nun medio magnético flexible que se protexe exteriormente cunha carcasa. Neste disco escríbese e lese dunha forma parecida a como se fai nos discos duros. O primeiro disco flexible tiña unha anchura de 8 pulgadas e foi evolucionando lentamente ata chegar á versión actual de 3.5", que apareceu en 1984.

http://members.cox.net/obsoletetechnology/pics/floppy5.gif
Floppy disk

Intel fabricou o primeiro microprocesador, o 4004, deseñado orixinalmente para incorporalo na calculadora de mesa 141-PF da compañía xaponesa Busicom de Xapón. Tiña a mesma potencia de cálculo que o monstruoso ENIAC pero en tan só un cuarto de pulgada cadrada. [Máis información...]

Ray Tomlinson, enxeñeiro de Bolt Beranek & Newman -compañía involucrada no desenvovemento de ARPANET-, enviou a súa primeira mensaxe ("probablemente algo como QWERTYUIOP") para comproba-los límites do sistema que estaban desenvolvendo. Creou o primeiro programa de buzón electrónico, chamado "SNDMSG" e posteriormente en 1973 seleccionou o símbolo @ -en- para as direccións de correo electrónico. Xa en 1973 as mensaxes eran un tercio do total do tráfico da rede.

Niklaus Wirth, do Federal Institute of Technology, en Zürich (Suiza) iniciou o desenvolvemento de Pascal (nomeado así en honra do filósofo e matemático Blaise Pascal). Esta linguaxe foi pensada como unha ferramenta para o ensino da programación de computadoras con estructuras de control declarativas, claras e sinxelas.

En Galicia:
A USC instalou o terminal DCT2000 de Univac para acceder ó ordenador UNIVAC 1100 do Ministerio de Educación y Ciencia en Madrid.

Dennis Ritchie, dos Laboratorios Bell, desenvolve a linguaxe C, como evolución da B que á súa vez descendía da BCPL. Esta linguaxe de alto nivel permite o acceso a características propias de linguaxes de baixo nivel. É actualmente, xunto ca FORTRAN, a linguaxe de programación maioritaria para aplicacións científico-técnicas. Desenvólvense tamén este ano as linguaxes SmallTalk e Prolog.

Intel desenvolve o primeiro microprocesador de 8 bits, o 8008. Foi utilizado dous anos máis tarde para a fabricación do primeiro ordenador persoal, o Mark-8, custoso e difícil de manexar.