O nacemento de Intel remóntase ó 18 de xullo de 1968, da man de Robert Noyce e Gordon Moore.

Nun principio, Intel era unha modesta empresa formada por 12 científicos nun local alugado en California. Naqueles intres todas as computadoras empregaban memoria magnética que, aínda que ocupaba máis espacio, consumía más enerxía e tiña menos prestacións, era 100 veces máis barata.

Ted Hoff deseñou un chip revolucionario que podía ser utilizado en moitos outros dispositivos sen necesidade de ser redeseñado, un gran logro nacido dun encargo de microprocesadores para unhas calculadoras dunha empresa xaponesa.

En 1971 naceu o primeiro microprocesador (naquela época aínda non se coñecían por ese nome). O potentísimo 4004 executaba 60.000 operacións por segundo. Púxose á venda por 200 dólares. Axiña Intel comercializou o 8008, capaz de procesar o dobre de datos que o seu antecesor e que inundou os aparatos dos aeroportos, restaurantes, salóns recreativos, hospitais, gasolineiras...

A mediados dos 70 propuxéronlle a Intel comercializar o 8080 equipado cun teclado e un monitor orientado ó mercado doméstico. Estábanlle propoñendo ser os pioneiros no mundo das computadoras persoais. Pero non viron a utilidade desas máquinas e descartaron a idea. Foi IBM quen confeccionou o primeiro PC cos procesadores Intel.

En 1982 apareceu o revolucionario 286, equipado con 134.000 transistores. Foi o primeiro en ofrecer compatibilidade de software cos seus predecesores.En 1985 chegou o 386, un microprocesador de 32 bits e 275.000 transistores que foi rapidamente adoptado por Compaq para a súa computadora persoal Compaq Deskpro 386. Catro anos despois chegaría o robusto Intel 486 formado por 1,2 millóns de transistores.
En 1993 Intel empeza a desenvolver a liña Pentium con 5 veces máis capacidade de cálculo có 486. Despois chegará o Pentium Pro. Seguirían o Pentium II no 97, o Pentium III no 98, e Pentium IV no 2000.

http://www.d.umn.edu/~lbrush/202interiorIntel8080CPU.gif
Interior do Intel 8080

http://www.khet.net/museum/museum.pics
/intel4004_inside.gif
Intel 4004

http://www.intel.com/intel/intelis/museum/
exhibits/hist_micro/hof/486.htm
Intel 486