Durante o "IV EGEE User Forum", celebrado en Catania, Sicilia, na primeira semana de marzo, o CESGA presentou un poster sobre a implementación dunha infraestrutura EGEE totalmente virtualizada, realizada no propio centro. O poster é unha exposición completa que abrangue dende as necesidades polas que se decidiu virtualizar os servizos Grid, a infrastrutura montada actualmente, as vantaxes da virtualización e os benchmarks,comparando as diferenzas entre máquinas virtualizadas con XEN dentro da contorna Grid EGEE. Se mostra tamén un exemplo dos usuarios que están a usar a infrastrutura Grid do CESGA e outros proxectos Grid nos que o CESGA colabora achegando os seus coñecementos sobre virtualización e Grid.