No eido da supercomputación apareceron os primeiros ordenadores que utilizaban varios procesadores para realizar un cálculo en menor tempo. Cray Research introduciu o primeiro ordenador capaz de superar a barreira do Gigaflop (máis de mil millóns de operacións matemáticas por segundo).
Popularízáronse as redes de ordenadores de área local e inícianse os primeiros pasos de Internet e a World Wide Web. A auténtica revolución producíuse en microinformática: Microsoft introduciu a súa primeira versión de Windows, e Intel introduciu o primeiro procesador de 32 bits (386DX) que é o primeiro en integrar máis dun millón de transistores (486DX). Todas estas novidades, unidas ó abaratamento dos compoñentes, propician o comenzo da popularización da informática persoal a finais da década dos 80. En 1987 a poboación mundial acadaba os 5.000 millóns de habitantes. En 1990 empezou a guerra do Golfo Pérsico.

A National Science Foundation estableceu 4 Centros de Supercomputación.

Acadouse unha nova marca nos supercomputadores ó aparecer o Cray-2. Este tiña unha capacidade de cálculo pico de mil millóns de operacións en coma flotante por segundo.

Naceu Microsoft Windows 1.0 como unha extensión de MS-DOS que permitía interactuar co ordenador utilizando un interface gráfico similar ó de Apple.

Creouse o primeiro robot avanzado, o Omnibot 2000, de Tony Kyogo. Podía moverse, falar e levar obxetos.

http://omnibot.forsite.net/omnibot/images/photo/omnibot.JPG
Omnibot 2000, creado por Tony Kyogo

Intel introduciu o 386DX, primeiro microprocesador X86 de 32 bits. Constaba de 275.000 transistores que permitían procesa-la información en bloques de 4 bytes, o dobre que os seus antecesores de 16 bits.

http://www.intel.com/intel/intelis/museum/exhibit/hist_micro/hof/386.htm
Imaxe microscópica
do procesador Intel 386DX

Apareceron os primeiros ordenadores comerciais que utilizaban o procesamento paralelo: tratábase de sistemas con varios procesadores interconectados entre sí para realizar un cálculo no menor tempo posible.
O Sequent Balance 8000 conectaba os procesadores a unha memoria compartida entre eles, mentres que no Intel iPSC-1 (Hipercubo) cada procesador contaba coa súa propia memoria, podendo un mesmo sistema contar con ata 128 procesadores.

En Galicia:
Caixa Galicia instalou un dos primeiros IBM 3090 de España.

http://www.blues.uab.es/~enllac/enllac7/ForaOrbita/ibm.jpg
IBM 3090

NSF iniciou a construcción de NSFNET, primeira rede de investigación que implementaba TCP/IP. Con esta rede conectáronse 5 Centros de Supercomputación de Estados Unidos.
A súa capacidade de transmisión era de 56 Kbps. O número de ordenadores conectados pasa de 2000 a principios de 1986 ata 30000 a finais de 1987.
O número de computadoras en USA excedía os 3 millóns.

En Galicia:
O concello de Vigo instalou o primeiro S-400 de Secoinsa, composto por:
- 4 discos de 300 Mb
- 1,5 Mb de RAM
- 24 Pantallas
Caixa Vigo instala un IBM 3090.
Banco Pastor instala un IBM 4381.