Dende tempos remotos (600 - 1.000 da nosa era.), os pobos andinos empregaron un sistema propio para manter rexistros numéricos en cordas con nós de algodón. Son os chamados "Quipus", que incluso foron aceptados como proba válida dun rexistro polas cortes españolas nos tempos coloniais.

O quipu emprega o sistema métrico decimal. Consta dunha corda base, da que penden outras cordas. Nestas cordas vanse facendo nós para representar os números do 1 ó 9 (cada nó é unha unidade) e a posición do nó respecto da corda base indica o valor (millar, centena, decena, unidade) que teñen os nós. O cero era representado pola falta de nó nunha posición concreta. Fíxate neste exemplo:

Debuxo de 1613 por
Felipe Guaman Poma de Ayala.
O soberano inca entrevista
ó responsable de inventario
do almacen real