A construcción de UNIVAC empezouse en 1.946 por unha corporación formada por J. Presper Eckert, Jr e John W. Mauchly. Debido a problemas financeiros para remata-lo proxecto Univac, Eckert e Mauchly víronse na obriga de vender a súa compañía a Remington Rand Corp.

Univac I foi a primeira computadora que se fabricou comercialmente, así como a primeira en utilizar un compiler (compilador ou autoprogramador) para traducir o inglés en idioma de máquinas. Os seus principais avances eran o sistema de cintas magnéticas que podían lerse cara adiante e cara atrás. O UNIVAC II utilizaba memoria de núcleos de ferrita. O UNIVAC 1103 por primeira vez tiña capacidade para facer interrupcións. A UNIVAC I foi vendida á Oficina do Censo dos Estados Unidos para ser utilizada no Censo de 1950. En 1952, un Univac utilizouse para computar o resultado das eleccións presidenciais entre Eisenhower e Adlai Stevenson. O resultado (victoria de Eisenhower) sóubose 45 minutos despois de que cerraran os colexios electorais e a precisión da predicción fixo saltar á fama o UNIVAC; a predicción difería do escrutinio en tan só catro votos.