Durante a Segunda Guerra Mundial producíronse grandes desenvolvementos tecnolóxicos. Había que eliminar ó inimigo e para iso os diferentes países puxeron a traballar ós seus mellores científicos na creación de novas e sofisticadas máquinas que axudasen na batalla. Neste contexto, no ano 1943, un coronel do exército dos Estados Unidos solicitou unha máquina calculadora para a artillería. A máquina acabaría de facerse xa rematada a guerra, no 1946, e chamaríase Electrical Numerical Integrator and Calculator (ENIAC).

O ENIAC foi o primeiro computador electrónico da historia. Foi deseñado na Universidade de Pennsylvania por John P. Eckert e John W. Mauchly. O ENIAC tiña unhas dimensións que hoxe chaman a atención, 30 metros de longo e 2,40 de ancho. O seu peso era de 32 toneladas. Estaba composto por 17.468 válvulas ás que hai que engadir centos de resistencias, condensadores, etc. O calor destas válvulas elevaba a temperatura do local onde estaba o ENIAC ata os 50 graos. Este primeiro computador podía resolver 5.000 sumas e 360 multiplicacións por segundo, pero a súa programación era moi tediosa e debían cambiárselle continuamente os seus tubos de baleiro. O ENIAC foi retirado do funcionamento no 1952.

www.siam.org/siamnews/12-99/Eniac1.htm
John W. Mauchly

www.ei.cs.vt.edu/~history/people.html
John P. Eckert

http://ei.cs.vt.edu/~history/ENIAC.Richey.HTML
Electrical Numerical Integrator and Calculator