Unha lista de distribución é unha ferramenta de traballo colaborativo que permite a grupos de persoas interesadas nunha mesma temática  intercambiar información por correo electrónico sobre temas concretos ou especializados.

As listas de distribución son unha derivación directa do correo electrónico e a súa utilidade consiste en que un grupo de usuarios/as pode enviar e recibir toda a información das persoas que estean subscritas a esa lista. Esta é unha forma sinxela de que persoas interesadas nun mesmo tema se intercambien información e manteñan actualizadas. Isto pode plantexar problemas de saturación na conta de correo cando unha determinada lista de correo prolifera na xeneración de novas ou cuando un determinado usuario/a estea subscrito a varias lista de distribución. Polo tanto, recoméndase subscribirse so a aquelas listas que realmente sexan de interese e retirar as novas recibidas da bandexa de entrada da conta de correo periodicamente.

Quero subscribirme a unha lista de distribución, ¿que teño que facer?

Para subscribirse a unha lista de distribución é preciso,

• Dispor dunha conta de correo electrónico.
• Subscribirse a unha lista de distribución dunha temática que nos interese. Por exemplo, se o noso campo de traballo ou estudio é o e-learning, subscribirémonos á lista de distribución de e-learning do Cesga, á que se pode acceder desde a seguinte ligazón: http://listas.cesga.es/mailman/listinfo/teleinfo
• Introducir o enderezo de correo electrónico e premer en subscribir.
• Recibiremos na nosa conta de correo un e-mail de confirmación.
• Premeremos nunha ligazón que nos chega no corpo da mensaxe do correo electrónico para confirmar a suscripción, e xa estaremos subscritos á lista de distribución.
• Posteriormente recibiremos información sobre os enderezos ós que deberemos dirixirnos tanto para enviar correos á lista de distribución como si para algún día queremos darnos de baixa.
• Agora xa estaremos en condicións de recibir, enviar e intercambiar correos con outros profesionais.
• Existen unhas normas de educación (Netiquette) sobre a utilización xeral das Listas de Distribución.

¿Onde podo encontrar listas de distribución?

Hai moitísimas listas de distribución de temática moi diversa. As listas de distribución existentes en Red Iris no eido ducativo pódelas consultar aquí; mentres, nesta outra páxina podes encontrar unha clasificación temática das listas existentes en Red Iris.

¿Podo crear unha lista de distribución?

Se formas parte da rede académica ou científica española, podes creala en Red Iris. Se eres un particular, hai portais que ofrecen este servicio de valde, como e-listas.

Listas de distribución sobre e-learning.

De seguido proporcionamos unha pequena relación de listas de distribución de ámbito nacional e internacional relacionadas co e-learning:

• E-Learning. (CESGA).
• Elearning. (Red Iris).
• EDUTEC-L. Foro Sobre Tecnoloxía Educativa. (Red Iris).
• EDUTIC.Educación e Tecnoloxías da Información e a Comunicación. (Red Iris).
• Formadores e Titores Virtuais (FTV). (Red Iris).
• EDUDIST. Foro Sobre Educación a Distancia. (Red Iris). 
• Foro da Cátedra UNESCO CUEDISTANCIA. UNED.
• Tutor on line (Universidade de Salamanca).
• Rede andaluza de Teleformadores.
• WebCT. Lista de distribución sobre WebCT. (Red Iris).
• Desarrollo de E-Learning. Hispalinux.
• Foro Virtual LEARNET. Comunidade Virtual en E-Learning.
• Foro sobre Sistemas de Xestión da Aprendizaxe. Brandonhall. (Inglés).
• Evaluating Elearning. Inglés.
• International Forum of Educational Technology & Society 
• European eLearning Quality Forum 
• Rolda Clic (Galicia)