Un dos principais obxectivos de A PONTE é mellora-la comunicación entre as comunidades e as institucións educativas a través do uso das TIC. Así, os equipos de videoconferecia véñense empregando, por exemplo, para celebrar sesións informativas para os alumnos dos CPI sobre a oferta educativa das universidades. O pasado mes de marzo celebráronse estas sesións nas que persoal responsable do COIE suliñou os aspectos máis significativos da Universidade e o xeito de acceder a ela. Os alumnos nos CPI expresaron as suas inquedanzas e formularon preguntas vía videoconferencia.

Estas sesións forón transmitidas por stream vía Internet facendo uso do servidor StreamStation da casa Polycom sobre o que o CESGA en colaboración con TowerTBA vén realizando beta tests nun contorno de explotación. A transmisión vía stream, fixo posible que alumnos e profesores de tódolos centros participantes en A PONTE seguiran a sesión empregando Realvideo nos seus PCs.