O Instituto de Matemáticas organiza a xornada "Unha introducción á Bioinformática para Matemáticos". Esta xornada terá lugar no Salón de Graos da facultade de Matemáticas da USC o venres 14 de decembro de 2001 as 10 horas.

 

D. Francisco Rodriguez-Trelles.
Instituto de Investigacións Agrobiolóxicas. Consello superior de Investigacións Científicas.

 

D. Ernesto Estrada.
Departamento de Química orgánica. Facultade de Farmacia. USC.

Dña. M. Pilar Calo-Mata.
Laboratorio de Investigación nº 3.
Hospital Clínico Universitario de Santiago.

Dña. Wania Rezende Lima.
Laboratorio de Investigación nº 3. Hospital Clínico Universitario de Santiago.

José Antonio Álvarez Dios, Manuel Calaza Cabanas e Antonio Gómez Tato.

 

Ó amparo do estudio do xenoma e proteoma humanos, está emerxendo unha nova disciplina, con contidos aínda difusos, que polo momento estase a denominar bioinformática. Na nosa comunidade estase a impulsar o seu desenvolvemento dende o Rectorado da Universidade de Santiago e dende a Secretaría Xeral de I+D da Xunta de Galicia a través do Cesga.

 

O obxetivo desta xornada é aproveitar esta oportunidade para proporcionar unha perspectiva xeral e dar unha pequena introducción para matemáticos sobre esta nova disciplina que permita evaluar as súas posibilidades neste campo. 

 

Existe unha corrente de opinión que pensa que a visión común (e práctica) da bioinformática como a simple aplicación das ferramentas matemáticas ou informáticas xa existentes a problemas da bioloxía, apenas ten interés como programa de investigación para os matemáticos e informáticos. Sen embargo, a cuestión pódese enfocar dende outro punto de vista: o obxetivo  da bioloxía, na era dos proxectos xenoma, é desenvolver un coñecemento cuantitativo  de como os seres vivos se constrúen a partir da información do xenoma que os codifica.

 

A complexa e rica estructura dos datos da xenómica converte este obxetivo no maior problema de descodificación ó que se enfrentou a humanidade ata o momento. Dende esta perspectiva, o secuenciamento do xenoma humano pode pensarse como unha das maiores oportunidades de tódolos tempos para os matemáticos interesados na información, a súa estructura e a súa análise. Esta formulación do "problema bioinformático" abre o camiño para unha fructífera colaboración entre biólogos e matemáticos.