O obxectivo desta iniciativa responde ás necesidades creadas polo contexto socioeconómico no que nos atopamos, que esixe unha actualización constante dos saberes e das estruturas organizativas das empresas no que respecta ao sistema clásico de negocio e ás novas tecnoloxías. Polo tanto, as conferencias e os cursos diríxense aos empresarios e persoal das PEMES que queren beneficiarse das vantaxes de negocio que ofrece Internet e o comercio electrónico.

O programa de cursos levará conferencias e cursos a cada unha das sete principais cidades de Galicia, chegando a máis de mil empresarios e personal de PEMES de Galicia ao longo dos próximos meses.

As conferencias, cunha duración de dúas horas, presentarán os aspectos máis representativos do comercio electrónico e as súas estratexias de xestión, aspectos que serán ampliados nos CURSOS. O temario dos cursos inclúe contidos como técnicas de marketing en Internet, ferramentas de seguridade e de pago, a loxística e a distribución ou aspectos xurídicos do comercio electrónico. Ademais, trataranse exemplos prácticos e estudios de caso reais de empresas que levaron á práctica procesos de negocio electrónico.

Logo da primeira conferencia dará comezo o primeiro curso, o 3 de xuño nas instalacións do CESGA. A inscrición gratuíta xa pode efectuarse na páxina web do Centro de Competencias: www.e-negociogalicia.com