Fai poucos días, os nenos do centro piloto do proxecto de investigación Rural Schools & Cloud Computing, do CRA Boqueixón-Vedra, comezaron a usar os seus escritorios "na nube", con contidos de aprendizaxe externos (de diferentes repositorios educativos) e internos (fichas e materiais) subidos polos seus profesores. Tamén se lles dou a sua identificación persoal para que poideran utilizar "a nube" dende a súa casa, comunicarse e seguir aprendendo máis aló da aula. O próximo xoves 12 de maio, teremos unha reunión cos pais para presentarlles esta fase do proxecto e para invitalos a participar, cos seus fillos/as, nesta comunidade de aprendizaxe na nube.

O escritorio Cloud foi adaptado para as características dos diferentes usuarios:

- alumnos de infantil
- alumnos do primeiro ciclo de primaria
- profesores

e permite que a xestión dos contidos dos mesmos sexa definida polos propios profesores participantes, podendo mudar os contidos da "nube" de infantil e primaria de xeito áxil e doado, para axustarse ao progreso do curso, á temática a traballar, etc. sen necesidade de coñecementos informáticos.

Este breve vídeo amosa as características principais dos tres entornos:

http://youtu.be/IHh6Ih99_WQ (Español)

http://youtu.be/_sTG_Y8btQU (Galego)

http://youtu.be/7FqwAzQc268 (Inglés)