Mandar traballos de Gaussian03 a cola de execución nos servidores de cálculo do CESGA supón realizar unha estimación máis ou menos precisa dos recursos que se van utilizar. O script g03men dá unha estimación aproximada dos recursos requiridos por un traballo de Gaussian 03 en concreto.

O Grupo de Xerontoloxía da Universidade da Coruña,  xunto co CESGA e outras institucións e empresas galegas, presentaron esta mañá no Centro Xerontolóxico de Estancias Diurnas "La Milagrosa" da Coruña o prototipo dun proxecto pioneiro en telexerontoloxía.

Debido aos problemas eléctricos ocasionados polo temporal acaecido na pasada noite, algúns dos servizos do CESGA non están a funcionar correctamente.
O persoal técnico do Centro está a traballar, actualmente, na solución destas eivas, que esperan poder ser resoltas no menor espazo de tempo posible. Ata que estes servizos non volten  funcionar ao 100% do seu rendemento, rogamos desculpen as molestias que poidan chegar a ocasionar.