O software libre conta por primeira vez en Galiza cun portal de referencia na Administración no que conflúen as diferentes iniciativas galegas existentes neste eido ata o de agora. Trátase de mancomun.org, a Iniciativa Galega polo Software Libre que promove a Consellaría de Innovación e Industria e que será dende hoxe punto de encontro de empresas, administracións e comunidade de usuarios que teñan proxectos de software libre, ben sexan de desenvolvemento, de difusión, de formación ou só de implantación.

Visite o portal: www.mancomun.org

Galicia e a rexión Norte de Portugal colaborarán de xeito máis estreito no desenvolvemento do I+D+I na Eurorrexión, grazas á consolidación dunha rede de alta velocidade entre os campus galegos e os campus da Universidade de Minho froito do proxecto comunitario Torga.net. Nun acto celebrado esta mañá de forma simultánea entre as cidades de Vigo e Braga expuxéronse os resultados obtidos ao longo do período efectivo da iniciativa.

A Fundación CESGA convoca dous postos de traballo para dar soporte á infraestrutura GRID do Centro:
- 1 técnico de sistemas (Ref: GRID06-TS1) 
- 1 técnico superior de sistemas Grid (Ref: GRID06-TSS1) 
(+)

Para unha mellor cobertura ás necesidades dos seus usuarios, o CESGA ten xa a disposición dos mesmos tres novos paquetes de software científico instalados nos seus servidores.