"High Performance Computing and Networking" No Simposium trataránse temas como (1) A Evolución de Solucións de Cálculo Intensivo, (2) As Tendencias e Evolución dos Sistemas de Almaceamento en Contornos HPCN, (3) Selección de Métodos de Cálculo: Escalar, escalar-paralelo, vectorial e vectorial-paralelo, (4) O Presente e o Futuro das Comunicacións en HPCN, (5) Os Servicios dispoñibles ós usuarios doutros centros. Presentarán os seus traballos fabricantes de tecnoloxías HPCN, responsables e usuarios doutros Centros de Supercomputación como o CICA en Andalucia, o CESCA en Cataluña e o Imperial College en Gran Bretaña.

Dada a complexidade e volume dos datos manexados no desenvolvemento das tarefas de investigación dependemos cada día máis das tecnoloxías de computación e comunicacións de altas prestacións (HPCN) para executa-los nosos cálculos. A aceleración dos cambios nestas tecnoloxías obríganos a seguir de cerca a súa evolución. O CESGA invita ós membros da comunidade científica de Galicia e do C.S.I.C a compartir unha xornada con profesionais que actúan como motores destes cambios. Esta xornada promete ser de gran utilidade para todos aqueles investigadores que sintan a necesidade de usar ferramentas de cálculo intensivo.

Programa