Solicitouse a homologación para a validación de 2 créditos de libre configuración na Facultade de Bioloxía da USC.

Xustificación e obxectivos do curso: Os Sistemas de Información Xeográfica (S.I.G.) son ferramentas moi versátiles. A cartografía dixital facilita ver e analizar datos e mostrar e resumir os resultados con máis claridade. Os S.I.G. permiten ademais extraer parámetros de mapas temáticos e almacenalos nunha base de datos co fin de analizar as características do terreo. Unha das súas aplicacións máis clásicas é a busca e selección de áreas con determinadas características. Tamén facilita a xeración de mapas de resultados de análise numéricas, tales como probabilidades, e a predicción da presenza dunha especie nun ámbito xeográfico máis amplo que a área de estudo. A análise con S.I.G. establece relacións espaciais co fin de revelar zonas de conexión ou corredores entre poboacións que se encontran en núcleos diferentes ou arredados. O obxectivo é introducir ó alumno no mundo dos S.I.G. facendo especial fincapé nos fundamentos e técnicas básicas con máis utilidade en ecoloxía.