Título:"Xestión de recursos en entornos Grid"

Relator: Miquel Angel Senar
Unitat d'Arquitectura de Computadors i Sistemes Operatius
Universitat Autònoma de Barcelona

Resumo:

Entre os seus pincipais obxectivos, a tecnoloxía Grid pretende que diferentes comunidades de usuarios poidan executar diversas tarefas sobre un conxunto de recursos compartidos fortemente distribuidos.

Dado que é difícil que existan correspondencias unívocas entre o conxunto de tarefas e o conxunto de recursos, os entornos Grid requiren de mecanismos de xestión e planificación. Estes mecanismos baséanse en descricións tanto das tarefas a executar como dos recursos dispoñibles e xeran como saída unha serie de decisións de acordo a unha determinada política de xestión. Estas decisións deben dar resposta efectiva a preguntas tales como que recursos deben ser asignados a que tarefas e en que orden deben ser executadas as tarefas.

Nesta charla presentaranse cales son  os mecanismos de xestión que na actualidade se están utilizando en algúns dos proxectos Grid máis representativos a nivel europeo e americano, sobre que tipo de aplicacións se están usando, que limitacións teñen e cales son as liñas previsibles de evolución futura.