A próxima semana, do 4 ao 8 de Xullo, celébrase na Facultade de Matemáticas da Universidade de Santiago de Compostela a Conferencia Internacional en Honra ao Profesor E.F. Toro, no mes do seu 65 aniversario. Baixo o título “Numerical Methods for Hyperbolic Equations. Theory and Applications”, o Departamento de Matemática Aplicada da Universidade de Santiago de Compostela, organiza este singular evento, que reune a algúns dos máis destacados e importantes expertos en Métodos Numéricos para Ecuacións Hiperbólicas da comunidade matemática e a enxeñaría internacional. O Presidente do Comité Científico é o Premio ABEL (equivalente ao Nobel de Matemáticas), Peter Lax.