Entre os vindeiros 3 e 8 de Xullo celebrarase na USC o congreso internacional "The New Generation in Strongly Correlated Electron Systems". Conta coa participación de 60 investigadores de máis de 20 nacionalidades distintas e terá lugar no novo edificio do "Centro Singular de Investigación en Química Biolóxica e Materiais Moleculares" (CIQUS), que forma parte do Campus Vida da USC. O obxectivo do congreso é reunir a investigadores emerxentes no eido da física de sistemas de electróns fortemente correlacionados e promover colaboracións entre eles nunha atmósfera distendida.