Mancomun.org, a iniciativa da Dirección Xeral de Promoción e Sociedade da Información da Xunta para promover e difundir o software libre, cumpriu onte un ano "como axente catalizador dos diferentes proxectos sobre software libre existentes en Galicia", segundo informa na súa web, na que se subliña que os eventos de difusión celebrados desde hai un ano, máis de 90, duplicaron os que tiveron lugar no bienio anterior". As pequenas e medianas empresas, o ensino non universitario e a administración local foron os sectores escollidos como principais
destinatarios do traballo de difusión deste software que constitúe "unha alternativa tecnolóxica máis innovadora, de menor custo e cunha maior capacidade de adaptación ás necesidades dos usuarios".